Códigos QR e realidade aumentada

Tecnocentrismo: 

Tendencia a ubicar a tecnoloxía por diante das persoas

 e no centro da escena educativa

Seymour Papert

Un dos maiores riscos que corremos, nun proxecto como o noso e ser capaces de introducir a tecnoloxía nas aulas pero cun obxectivo único: A construcción da aprendizaxe do alumnado. Actitudes tecnocentristas e supeditar todo á máquina, deben quedar fora da nosa actividade, o cal non quere dicir que non debamos probar e comprobar o funcionamento de novas técnicas e ferramentas que poden favorecer a aprendizaxe do alumnado.

Despois do café tocaban os talleres prácticos. Todos interesantísimos e novidosos, aínda que uns máis que outros. Eu estaba matriculado nun de Códígos QR e outro de Stop Motion, ao final puiden cambiar o de Stop Motion por outro de Realidade Aumentada. Agapito, á parte do de AR foi a un de Contidos Lams.

Os códigos QR, dos que tedes unha mostra arriba, serven para crear información e trasladala ao resto da xente que queramos que a vexa. Para coñecer o contido necesítase un móbil con cámara e un programa para ler estes códigos.

Presentounos varias posibilidades para utilizar na aula:

• Resultados dunha proba, colocados ao final da mesma
• Reconstrucción de frase a través de palabras soltas

Os xaponeses xa lles atoparon outras ;-)
Utilidade educativa? Mentres non permitamos móbiles nas aulas, ningunha.

O de Realidade aumentada foi un obradoiro práctico onde se nos ensinaron. diferentes usos de realidade aumentada no mundo da educación, tanto desde un ordenador coma des de o teléfono. Tamén se amosan os pasos para que calquera poda facilmente crear este tipo de experiencia

Utilidade educativa? Moi alta como mostra o video seguinte