GRANADA, AUMENTAME 2014

DÍA 3

Tocábanos un ratiño de lecer...así que pola mañá visitamos os barrios de Albaicín e Realejo e algunhas das compañeiras aproveitaron para coñecer a Alhambra. 

Comida de despedida de Granada 

Pola tarde voltamos para casa, viaxe longo con horas de espera, igual que a ida,  pero sempre con algún recurso para pasar o tempo.

Esta vez sen TICs!

GRANADA- AUMENTAME 2014

DÍA 2, XORNADA DA TARDE

Da xornada da tarde destacamos as intervencións de:

- Antonia Cascales que nos falou do rendimento e uso da realidade aumentada con alumnado con TEA. 

- Jesús Arbúes e as súas experiencias en educación secundaria. 

- Francesc Nadal "PhoenixARs via illARgonauta", novas ideas para dar vida as obras de arte clásicas ou mitolóxicas usando dispositivos móviles, edición de vídeo e realidade aumentada. Como apps principais: Aurasma, Layar, Augment, Junaio,...

E como non...as intervencións do PDB!

Comezou Begoña Codesal dando unha chamada de atención a todos "Primaria existe!!" e tiña razón, ata o de agora ninguna ponencia falara desta etapa. Expuxo o traballo "Prehistoria y época de los castros, posiblidades didácticas de la RA aplicada a la historia" por suposto un gran aplauso e felicitacións ao final da exposición.

E para rematar a tarde "Aurasma, haciendo realidad la lectura". Carmen Fernández mais eu, Verónica Iglesias, expuxemos a nosa experiencia con esta app na creación de materiais  para o reforzo e a iniciación na lectoescritura. A experiencia foi moi gratificante e pensamos que aportou ideas aos docentes que se atopaban entre o público e así nolo fixeron saber ao final do relatorio.

Para rematar o día....unha imaxe, que vale máis que mil palabras. Merecíamolo!

GRANADA- AUMENTAME 2014

DÍA 2, xornada de mañá:

Tocaba madrugar. As xornadas Aumentame 2014 comezaban as 8:45 h. 

Atopamos o sitio moi rápido e o chegar...Photocall! Perfecto. Isto das fotos dásenos moi ben.

As xornadas comezaron cun pouquiño de retraso e interviron en primeiro lugar membros do grupo Espiral e representantes do concello de Granada.

De seguido houbo unha interesante mesa redonda na que participaron Bernat Llopis (Ardutrónica, electrónica con Realidade Aumentada), David Delgado Rodríguez (R.A. con multimarcador, aplicacións ao Bacharelato), G. Iban de la Horra Villacé (R.A. en matemáticas) e os nosos veciños do IES de Sabón Agapito Muñiz e Sonia Vivero que comentaron o seu traballo "Doña Emilia en femenino plural a través da geolocalización e da R.A. 

Entre as comunicacións abertas que comezaron a continuación destacamos:

- Google Glass en Educación, de Isidro Navarro y Xavier Suñé. (O proxecto Google Glass Explorer formado por docentes ten o fin de extraer resultados destas experiencias para aplicacións futuras)

- FrutaVerdura 3.0 de Yolanda Hernández (uso de códigos QR para desenvolver bos hábitos de alimentación)

- "La RA como herramienta eduacativa en los museos" de Soledad Gómez (uso da realidade aumentada en contextos educativos non formais. Supón unha vía para ofrecer aos usuarios información complementaria e contidos ampliados e novedosos).

- RA RGB-D de Raúl Reinoso. (Uso de cámaras RGB-D para xerar maior realismo nos sistemas de RA mediante o uso de obxectos físicos como marcas e incluso convertindo o propio corpo nun marcador).

GRANADA-CONGRESO AUMENTAME 2014

DÍA 1:

Venres 16 de maio. 14:30 h.  Soa a serea no PDB. Marchamos correndo para casa, tiñamos que rematar de facer as maletas e saír cara o aeroporto camiño a Madrid e de Madrid….Granada! A tarde foi algo longa xa que non chegamos a Granada ata preto das 23:30 pero todo apuntaba a que ía ser un gran fin de semana. 

Valencia

Non podo resistir a compartir con todos e a todas vos este marabilloso video que solucionará todos os problemas que teñades para cociñar unha paella

AUMENTAME 2013. Xornada de tarde

Da man de Lab Human e Esteban Anguita presentouse XeoAumentaty e Aumentaty visual search, que estarán dispoñibles a partir do verán. Óscar Guerrero presentou a ferramenta de autor DOBOOK que permite a creación de contidos así como de actividades auto avaliables. Raúl Reinoso realizou un excelente relatorio, onde nos demostrou, como a animación en 3D xa non necesita de complicados programas informáticos. Grazas a el, descubrimos a realidade aumentada fotorealista, que consiste en xerar imaxes en 3D utilizando a fotografía. Raúl falounos do programa 1,2,3 D CATCH que nós xa levamos un tempo experimentando con el.

Finalmente chegou a hora dos talleres e decidimos asistir ao de Raúl Reinoso. Alí Raúl explicou detalladamente en que consistía o AUMENTATY, como importar, exportar ficheiros, como conseguir modelos 3D, como manipular os obxectos, etc.

AUMENTAME 2013. Xornada de mañá

Valencia

Es la tierra de las flores de la luz y del amor

Valencia

Tus mujeres todas tienen de las rosas el color

SÁBADO 20 abril 2013

Luz, si. Amor, non sabemos. Das mulleres non falamos

Hoxe estivemos en Aumentame 2013 onde gozamos dunha extraordinaria xornada na que coñecemos persoas e proxectos extraordinarios, outros non tanto, relacionados coa innovación, a educación e a Realidade Aumentada. 

Chegar ao Cubo Azul, na Cidade Politécnica da Innovación de Valencia, foi unha tarefa difícil. Incluso os taxistas non se poñían dacordo. Por fín, á hora precisa chegamos e recollemos o material. 

O primeiro relatorio, trala inauguración da xornada por parte da Conselleira de Educación, Cultura e Deporte da Generalitat Valenciana, Mª José Catalá Verdet, foi para Mariano Alcañíz, director de LAb Human, que insistiu na idea de que non debemos FORMAR ALUMNOS do SÉCULO XXI con METODOLOXÍAS do SÉCULO XX e con CONTIDOS do SÉCULO XIX.

Logo viñeron catro experiencias de usa da REALIDADE AUMENTADA nas aulas: 

•  “Realidade Aumentada no Arte: Un modelo didáctico”. LINK DA PRESENTACIÓN

Aplicación dos códigos QR e a Realidade Aumentada para comprender a complexidade do discurso artístico por Javier Sánchez Bolado e Txema Aguiriano González. 

•  “Descubrir, Aprender e QReAR”. LINK AO BLOGUE DO PROXECTO. PRESENTACIÓN DE AUMENTAME 2013

Aplicacións educativas con códigos QR e Realidade Aumentada en Educación Infantil para o desenvolvemento das competencias básicas por Marta Reina Herrera e Sara Reina Herrera. 

•  “Magnetismo Aumentado en Formación Profesional”. VIDEO DO RELATORIO. SITE e PRESENTACIÓN AUMENTAME 2013

Realidade Aumentada, web 2.0 e mobile learning en Formación Profesional por Bernat Llopis e Loli Iborra Sales. 

•  “Proxecto illARgonauta”. VIDEO ONDE OS ALUMNOS APRENDEN o ABECEDARIO GREGO RELACIONÁNDOO CON PRODUTOS QUE PODEMOS ATOPAR NA VIDA COTIÁ. BLOG DO PROXECTO

A Realidade Aumentada aplicada ás linguas clásicas e á economía por Francesc Nadal Rius. 

AUMENTAME 2013

Paso el tiempo de dormir

Ya los gallos muy contentos 

cantaron kikiriki

Ya viene amaneciendo

ya la luz del dia nos dió.

Levantarte de la mañana,

mira que ya amaneció.

VALENCIA

VENRES 19 ABRIL 2013

ÁS 5.15 toca o reloxo. É hora de se levantar para emprender a viaxe cara a Valencia. Saímos ás 08:50 do Aeroporto de Santiago de Compostela. Todo transcorre con normalidade e chegamos a Valencia. Agárdanos un día longo que iniciamos con moitas ganas tralo paso polo hotel a deixar a equipaxe.

A primeira parada é A CIDADE DAS ARTES E DAS CIENCIAS, complexo arquitectónico, cultural e de entretemento da cidade de Valencia, deseñado por Santiago Calatrava e Félix Candela.

Despois do percorrido polo exterior da Cidade (nin o noso peto, nin o tempo que tiñamos daban para unha visita ao interior dos magníficos edificios) dirixímonos cara o Paseo de Neptuno para ver e gozar da Praia da Malvarrosa e, como non, das terraciñas do paseo.

Alí probamos as paellas valencianas. Iamos avisados de a que locales non deberíamos ir pero …claro!! Non fixemos caso! A paella do RESTAURANTE CASA PEPICA non estaba moi boa pese á fama do local. Dise que ahí é a onde vai o Rei Xoán Carlos e Dona Sofía. De feito, na parede colgaba un cadro coa sinatura das súas maxestades. En fin, parece que non coincidimos nos gustos. Pola tarde, tras unha agradable sobremesa, decidimos visitar a parte vella da cidade. E fomos ata a Praza do Concello onde probamos a orchata.

Logo visitamos o Mercado Central, un precioso edificio de estilo modernista

A Catedral, adicada a Santa María, é predominantemente de estilo gótico aínda que a súa construción prolongouse ao longo de varios séculos polo que hai unha mestura de estilos artísticos que a converten nunha xoia da arquitectura universal.

Destaca o Miquelet ou Micalet, nome que recibe popularmente o campanario de 58’80 metros da Catedral de Valencia, e é un dos principais símbolos da cidade de Valencia. O seu nome é un diminutivo do da campá principal, Miquel, que coa fonética local derivou a Micalet, nome co que verdadeiramente é coñecida a torre.

Despois dunha cea lixeira preto da Catedral retirámosnos xa que ao día seguinte nos agardaba unha longa xornada na Cidade Politécnica da Innovación de Valencia.

Día 4. Remata...

Visita ao Liceo Español García Lorca. A visita que ía durar unha hora durou toda a mañá. Trato inmellorable. Ensináronnos as instalacións e mostráronse moi interesadas polo noso proxecto. Prometeron unha visita ao noso cole a finais de curso. Estaremos encantados de recibilos.
Tamén puidemos coñecer ao director da ALCE (Agrupación de Lingua e Cultura Española) interesado tamén pola nosa labor, comentounos que ían poñer en marcha unha Aula Virtual de formación.

Volta ao hotel....isto remata... Bus cara o aeroporto de Orly. Chegamos a Madrid e "grazas" á folga de Iberia "só" tardamos 8 horas en chegar a Coruña en bus.
Non importou, a viaxe mereceu a pena tanto profesional como persoalmente.

DÍA 3-Xornada da tarde.

Destacamos as seguintes intervencións:
Elena Duro (UNICEF), Corina Lusquiños   e Hugo Labate, estes dous últimos do Proxecto Gema deron a coñecer o programa “SMILe-CIS” (desenvolto co apoio de UNICEF Arxentina). Trátase dunha ferramenta de administración dirixida, principalmente, a directores para compartir mensaxes con información xeral, consellos, coñecementos e datos sobre o proceso de ensino.
Teija Vainio e Tanja Walsh (Universidade politécnica de Tampere) presentaron “Nokia Mobile Mathematics”, proxecto que pretende apoiar a aprendizaxe e o ensino das matemáticas con dispositivos móbiles. Realizado en zonas urbanas e rurais de África do Sur e Finlandia. Obtivéronse resultados positivos en canto a motivación do alumnado cara as matemáticas e comprobouse tamén unha mellora substancial na competencia dixital do profesorado.
Anuragini Nagar (Sesame Workshop India Trust) utilizan o poder dos medios de comunicación para axudar aos nenos/as a alcanzar o seu máximo potencial cognitivo, socio-emocional e físico. Desenvolven e distribúen contidos a través da televisión, raio, radio comunitaria e impresión dixital; dirixido a neno/as de 0-8 anos.
Clausura o acto Francesc Pedró  (xefe da sección de políticas de desenvolvemento e educación  da UNESCO) remarcando as liñas de investigación que deben dirixir os traballos durante o presente ano:

• TICs e capacidades do século XXI
• Novos modelos de educación. Impacto e resultados nos estudantes.
• Avaliación da educación móbil.

Paseo e cea preto do hotel e á volta... auga quente por fin!